الوقت الاخباري أعربت الفنانة المصرية راندا البحيري، عن استيائها من عدم دعوتها لحضور المهرجانات الفنية.الوقت الاخباري
وكتبت راندا عبر صفحتها بموقع التواصل الاجتماعي Facebook: من سنوات وإلى الآن مثلت بطولات وأفلام كتير جدًا، زمان بقى كنت اقرأ دايمًا مانشيت في مُعظم الجرايد والمجلات مكتوب (غياب نجوم السينما عن مهرجان السينما). وتابعت: كنت بسمع بوداني إشادة بيا وبكام زميل يتعدوا على صوابع الإيد الواحدة.. اللي كنا بنروح سنويًا ندعم مهرجان بلدنا من قلبنا. والدليل أنه من قلبنا أن مكانش فيه سوشيال ولا ترند ولا حاجة بتحصل ولا بناخد فلوس ولا بناخد شهرة. إحنا بس بنروح علشان نقف جنب مهرجان بلدنا اللي كان دايمًا بيتعمل في الأوبرا المصرية. وأضافت: على الناحية التانية كان فيه ممثلين مبيروحوش مهرجان بلدهم ده وبيهتموا جدًا بمهرجانات منافسة في بلاد معندهاش سينما بس علشان هياخدوا فلوس كتير لما يروحوا. وكانوا بيروحوا جري وكنت برفض علشان بلدي، وكتير أوي من السنين كنت منتظمة في الحضور والندوات وغيره. لحد ما القائمين على المهرجان اتغيروا وهوب من ساعتها اتقطعت الأخبار والعنوان الحالي اللي هو نفسه العنوان القديم اللي كان بييجي عليه الدعوات لسه موجود ومبيجيبش عليه أي دعوات.. زي ما يكون حد جه تدخل ومسح اسمي من المدعويين. واختتمت: عمومًا هو ريحني من وجع قلب الماكياج والشعر واختيار فستان مناسب ولائق للحدث.. وبجد بجد أنا عند نفسي كبيرة أوي أوي أوي مكان مش عايزني هو اللي خسران.
الوقت الاخباري هاجر محمود-متابعات
